Литература музейĕнчи поэзи уявĕ

Четверг, 16.04.15

160415 4

Вырăс тата чăваш филологийĕпе журналистика факультечĕн ĕçченĕсемпе вĕренекенĕсем К.В. Иванов çулталăкне халалласа чылай мероприяти хатĕрленĕ. Черетлĕ уяв ака уйăхĕн 14-мĕшĕнче Литература музейĕнче иртрĕ.

Аслă поэтăмăра халалланă поэзи уявне чăваш филологийĕпе культура уйрăмĕн доценчĕ, чăваш  халăх артисчĕ И.И. Иванов уçрĕ. Вăл ертсе пынипе студентсем К.Иванов ячĕпе çырнă халал сăввисене вуларĕç, «Нарспи» поэмăри тĕрлĕ эпизодсене çÿллĕ шайра выляса кăтартрĕç, хайлав сыпăкĕсене чăвашла, вырăсла, турккăлла, акăлчанла тата венгрла шăрантарчĕç. Тĕрлĕ ăрури «сас» хуçаланчĕ çак кун музейра: В.Г. Родионов, Г.И. Федоров, В.И. Сергеев, Ю.М. Артемьев профессорсен, факультет аксакалĕсен, тарăн шухăшлă та ăш пиллĕ калаçăвĕ, студентсен чуна çĕклекен янăравлă сасси, факультетăн çĕнĕ деканĕн А.М. Иванова профессорăн савăнăçлă саламĕ…

Уява хутшăнакансене Литература музейĕн директорĕ И.В. Оленкина тав сăмахĕ каларĕ, малашне те вырăс тата чаваш филологийĕпе журналистика факультечĕпе тачă çыхăнса ĕçлессе шаннине пĕлтерчĕ, пултаруллă студентсене çу уйăхĕн 26-мĕшĕнче иртекен «Иванов вулавĕсем» конференцие хутшăнма чĕнчĕ.

«Халь те пулин Силпире асăнаççĕ мĕскĕне. Ялан, çумăр çумасан, шыв сапаççĕ тăприне», –  тесе вĕçлет К.В. Иванов вилĕмсĕр поэмине. Нарспи тăпри, аслă поэтăмăр тăпри çине ăруран ăрăва куçакан «поэзи çумăрĕ» çусах тăтăрччĕ. Çапла пултăр!

 

ruschuvashengfr 
 

banner1_1 banner1 banner2_2 banner2_2 banner3 banner3 banner4 eo ek pfo_copy banner11_3 banner7 fz1 banner10
liniab
Адрес университета: 428015, Россия, Чувашская Республика, город Чебоксары, Московский проспект, д. 15. Телефон: (8352) 58-30-36, 45-23-39 доп.37-50. linia