Чăваш филологийĕпе культура факультечĕ

Çу уйăхĕн 11-мĕшĕнче чăваш филологийĕпе культура факультетĕнче диплом хӳтĕлевĕ иртрĕ.

Йышăну комиссийĕ çĕртме (июнь) уйăхĕн 20-мĕшĕнче ĕçлеме пуçлать. Чăваш филологийĕпе культура факультетне вĕренме кĕрес йĕрке çинчен сайта вырнаçтарнă буклета вуласа пĕлме пултаратăр.

Çу уйăхĕн 27-мĕшĕнче чăваш халăхĕн мухтавлă ывăлĕ, «Нарспи» поэма авторĕ К.В. Иванов çут тĕнчене килнĕ. Чăваш филологийĕпе культура факультечĕн студенчĕсем пирĕн халăхшăн çак паллă уява халалласа факультетри «К.Иванов тĕпелне» пуçтарăнчĕç.

Диплом хӳтĕлевĕ иртет

Вĕренӳ çулĕ вĕçленсе пырать. Çак тапхăр уйрăмах аслă курсра вĕренекенсемшĕн яваплă: патшалăх экзаменĕсене тытмалла, диплом ĕçĕсене çырса пĕтерсе хӳтĕлĕве хатĕрлемелле. "Культурологи" специальностьне алла илекен 5 курс студенчĕсем çак яваплă тапхăрăн çуррине тивĕçлипе ирттерсе ячĕç.

Çулсерен ЧР вĕрентӳ министерстви хамăр регионта вĕренекен çамрăксем хушшинче ирттерекен «Анлă Атăл çамрăлăхĕ» ХV ăслăлăх конференцийĕ çу уйăхĕн 18-мĕшĕнче иртрĕ кăçал. Унта чăваш филологийĕпе культура факультечĕн студенчĕсем те активлă хутшăнчĕç – пурĕ 9 студент хăйсен ĕçĕсене тăратнă.

Çу уйăхĕн вун çиччĕмĕшĕнче Чăваш Республикинчи Йепреç районне кĕрекен Пысăк Упакассинче Çемен Эльгере халалласа уçна музей 25 çул тултарнă ятпа «Эльгер вулавĕ» иртрĕ.

Çанталăк та спорта суйлакан çамрăксене кăмăллать тейĕн. Çавăнпа та çу уйăхĕн 15-мĕшĕнче çу кунĕ хĕвеллĕ те шăрăх пулчĕ. Шăпах çак кун И.Н. Ульянов ячĕллĕ Чăваш патшалăх университечĕ «Ульяновец» хаçат парнишĕн çулсерен пулакан çăмăл атлетика ăмăртăвне ирттерчĕ.

Çурхи хĕвеллĕ кунсем кĕçех таврана ăшă пархатарпа тултарчĕç. Шăпах çак чуна çупăрлакан çурхи кунсенче, çу уйăхĕн 13-мĕшĕнче, чăваш филогийĕпе культура факультечĕн вĕрентекенĕсемпе активлă студентсем Чăваш чĕлхин эрни вĕçленнĕ ятпа Хусан хулине çул тытрĕç.

И.Я.Яковлев кун-çулĕ чăваш чĕлхипе культурине аталантарас ĕçпе тачă çыхăннă. Унăн ĕçĕсем паянхи кун та пысăк пĕлтерĕшлĕ, вăл панă халалăн çутти сӳнмен. Чăваш чĕлхи эрнин кунĕсенче И.Я.Яковлев ячĕ мăнаçлă янăрать республикăра.